in Արշավներ, Լուսանկարներ

Զորաց քարեր, Սիսիան

Գնդեվանք – Ջերմուկ – Շաքիի Ջրվեժ – Զորաց քարեր – Սատանի Կամուրջ – Տաթևի Մեծ անապատ – Տաթև ավարտված արշավի ընթացքում այցելեցինք նաև Զորաց քարեր:  Զորաց քարերը Հայկական հնագույն հուշարձաններից մեկն է: Եղել է նախաքրիստոնեական, (հնարավոր է նաև նախահեթանոսական) ծիսական կենտրոն: Հանդիսանում է աստղաչափական հնագույն գործիքների հավաքածու, աստղադիտարան: Գտնվում է Սիսիանում: Սիսիանցիները այն անվանում են Դիք-դիք քարեր, հայտնի է նաև Քարահունչ անունով: Ինչպես տեսնում էք մեր Քարահունջը իրենց Սթոունհենջին վնաս չէ, թու՛ էս ինչ եմ  ասում,  վնաս է:
1.Զորաց քարեր (սիս. Դիք-դիք քարեր, Քարահունջ)

2.Քարերի մի մասի  վրա կան անցքեր աստղադիտական չափումներ անելու համար:
 
3. Որոշ քարեր օգտագործվում էին, որպես ուղղություն տվողներ (աստղադիտական չափումների ժամանակ երևակայական ուղիղներ գծելու համար):
4. Ծիկ…, կամ «Աչք Երկնքի»
5. Հրաշալի վայր է Քարահունջը 
7…
8…
9. Վերջին պահապանները …

Մի քիչ էլ պատմական տեղեկություններ (վարկած), վերցված է , այստեղից

«ՔԱՐԱՀՈՒՆՋ» ՆԱԽԱՊԱՏՄԱԿԱՆ ԱՍՏՂԱԴԻՏԱՐԱՆԸ
(Տե՛ս «Հայկական համառոտ հանրագիտարան», հատոր 4, էջ 875,
«Քարահունչ» աստղադիտարան)
Գտնվում է Սիսիան քաղաքի մոտ: Բաղկացած է որոշակի ձևով շարված հարյուրավոր կանգնած մեծ քարերից: Հետազոտվել է` սկսած 1994 թվականից տվյալ նյութի հեղինակի կողմից: Կազմված է քարտեզը, և համարակալված է 223 քար, որից 84-ն ունեն 4-5 սմ տրամագծով անցքեր` ուղղված հորիզոնի և երկնքի տարբեր ուղղություներով: Կան բազմաթիվ ճշգրիտ քարե աստղագիտական գործիքներ: Արեգակի, և աստղերի դիրքերի փոփոխման օրենքներով, օգտագործելով աստղագիտական չորս իրարից տարբեր մեթոդներ, հենված պտտման առանցքի տատանման և պրեցեսիայի օրենքների վրա` հաշվարկվեց «Քարահունչ» աստղադիտարանի տարիքը` ավելի քան 7500 տարի է: Այս 7500 շատ սենսացիոն է, քանի որ մեզ հայտնի առաջին քաղաքակրթությունները (Եգիպտոս և Շումեր) ծնվել են 5000 տարի առաջ: Բայց 7500 տարին արդեն լայն ճանաչում է գտել, օրինակ, հնագույն հուշարձաննների թվագրման աշխարհի մեծագույն մասնագետ Ջ. Հոուկինոսի կողմից (1998 թ.): 


UPD:1 Edd-ի խորհրդով ևս մի հետաքրքիր հղում
«ԲՐԻՏԱՆԻԱ ԿՂԶՈՒ ԱՌԱՋԻՆ ԲՆԱԿԻՉՆԵՐԸ ԵԿԵԼ ԵՆ ՀԱՅԱՍՏԱՆԻՑ» 

  1. հրաշալի նկարներ են, խոսք չկա:
    մենակ 1-3 նկարների վրա ոնցոր սպիտակի բալանսը մի քիչ ուզում ա դզվի:

Comments are closed.