Երեկ Մաշտոցի այգում ցուցադրեցին Տիգրան Խզմալյանի «Քրիստոսի Կենդանագիր Պատկերը» ֆիլմը: Հետաքրքիր ֆիլմ էր, դե Աբգարի պատմությունը լսել էի, բայց չգիտեի ուր է գնացել հասել նկարը: Պարզվում է գնացել հասել է Գենուա:
Իհարկե դա տեսակետ է, ես էլ պատմությունից հեռու մարդ եմ, ու համապատասխան պարտրասվածություն չունեմ գիտական ճշմարտությունը գնահատելու համար, սակայն դա ոչ մի կապ չունի, դա նախ և առաջ լեգենդ է, ու բոլոր մյուս լեգենդների պես գոյություն ունենալու իրավունք ունի : Հանշվի առնելով նաև, որ հին պատմությունների արժեքը ինձ համար ոչ այնքան դրանց գիտական ճշմարտացիության մեջ է, որքան դրանց հոգևոր իմաստի, ու ենթատեքստի, այսպես ասած ենթապատմության: Ես այդ ենթապատմությունը կարծում եմ ընկալեցի: Լավ է որ այդ ֆիլմը գոյություն ունի ու ցուցադրվեց:

Այս նկարը Գենուայում գտնվող սրբապատկերն է, որը ըստ հեղինակի հենց այն նույն պատկերն է, որը Աբգար թագավորի համար նկարել էր նրա սուրհանդակը: Եթե այդ տեսակետից ելնենք , սա նույնիսկ սրբապատկեր էլ չի, այլ դիմանկար: Թռցրել եմ վիքիպեդիայից:

Քրիստոսի Կենդանագիր Պատկերը, ներկայումս գտնվում է Գենուա քաղաքում

Այսօր սուրբ Զատիկի տոնն է, այս տոնին կարելի է իհարկե տարբեր վերաբերմունքներ ունենալ, բայց անկախ ձեր վերաբերմունքից.

Քրիստոս հարյավ ի մեռելոց.

Օրհնյալ է հարությունը Քրիստոսի

Ուզում եք բառացի հասկացեք, ուզում եք փոխաբերական իմաստով:

arevelk.info-ից

Իրանում կինոարվեստի հիմնադրման օրվանից մինչ այսօր հայերն ազդեցիկ դեր են ունեցել այդ ոլորտի զարգացման գործում:
Իրանական կայքը ներկայացնում է բազմաթիվ այն հայ ռեժիսորներին, դերասաններին և նկարիչներին, որոնք մեծ ավանդ են ունեցել իրանական կինոյի զարգացման գործում: Մասնավորապես, Իրանի առաջին կինոթատրոններից շատերը` ինչպիսիք են «Դիանա», «Մետրոպոլ» կինոթատրոնները, նախագծվել են Վարդան Հովհաննիսյանի կողմից: Նկարչության բնագավառում լուրջ աշխատանքներ են կատարել Միշա Գիրագոսյանն ու Հայկ Օջաղյանը: Իրանի առաջին կինոստուդիաների` «Դիանա ֆիլմ», «Սանասար Խաչատուրյան», «Սիմիք Կոնստանտին», «Ջանի Բաղդասարյան», «Վահան Թերփանչյան» և «Ժորժ Վաեզյան» հիմնադիրները նույնպես հայեր են եղել: