in Վորդպրես, ՏՏ

Վորդպրես – RSS հոսքը հեշթեգերով

Հաճախ ցանցում նյութերի տարածման հանար օգտագործվում են rss հոսքերը: Կան այդպիսի օնլայն ծառայություններ, որոնք վերցնելով ռսս հոսքը այն հրապարակում են թվիթթերում, իդենտիկայում, դիասպորայում և այլ տեղեր, որտեղ ապահոված է հեշթեգերի մեխանիզմը:

Հեշթեգերը ունեն այսպիսի տեսք #հեշթեգ, #Անհանգիստ, #հայատառ, #photo և այլն … ու քանի որ Վորդպրես հարթակը օգտագործելիս մենք բոլորս էլ թագադրում ենք փոստերը թեգերով, դնում ենք պիտակներ, ապա հենց այդ պիտակներն էլ կարելի է օգտագործել որպես հեշթեգեր նյութերը տարբեր ցանցերում ավտոմատ կերպով հրապարակելիս:

Ես այսպես եմ արել

Իմ թեմայի functions.php ֆայլում ավելացրել եմ այս ֆունկցիան

function tags_to_rss($content) {
global $wp_query;
$postid = $wp_query->post->ID;
$posttags = get_the_tags($postid);

if(is_feed()) {
	if(!empty($posttags))

	foreach($posttags as $currtag){
	$tagdisplay = $tagdisplay . "#".$currtag->name." ";
	}	

	$content = $tagdisplay."<br /><br />".$content;
	$content = $content;
	}

	return $content;
}

Ֆունկցիան ավելացնելուց հետո մնում է անել մի փոքր բան: Եթե ձեր կայքը rss հոսք տալիս է նյութերի ամբողջ պարունակությունը, պետք է նույն ֆայլում գրել այսպիսի «ֆիլտր» ՝

add_filter('the_content', 'tags_to_rss');

Իսկ եթե միայն նախաբանները (Excerpt)

add_filter('the_excerpt_rss', 'tags_to_rss');

Ամեն դեպքում կարելի է վերջին երկու տողն էլ միանգամից ավելացնել, այն դեպքի համար եթե մի օր որոշեք rss հոսքի կարգավորումները փոխել ու ամբողջ պարունակության փոխարեն տալ միայն նախաբանը, կամ էլ հակառակը:

Այս գործողությունները կատարելուց հետո ձեր rss հոսքի մեջ, անմիջապես փոստ անունից առաջ , կհայտնվեն փոստի պիտակները հեշթեգերի ֆորմատով: Հոսքի պարունակությունը հրապարակվելով այլ ցանցերում կներառի նաև պիտակները, որպես #հեշթեգ: