Ուրեմն այսպիսի մի պատմություն: Վերջերս սկսեցի ավելի խորությամբ ուսումնասիրել Վորդպրեսը, ճիշտն ասած ուղակի հետաքրքրասիրությունից չէր, այլ կոնկրետ աշխատանքներ էին: Հետո հասկացա, որ լայֆժուռնալից ու բլոգգերից դեռևս հույս չկա, որ ինտերֆեյսը հայերեն կլինի, իսկ Վորդպերեսը ի տարբերություն դրանց բաց է, կարելի է վերցնել ու թարգմանել: Մտածում էի դրա մասին: Նույնիսկ մի փոքր սկսեցի թարգմանել: Ու հանկարծ հայտնաբերեցի e-Armenians.com բլոգը, որի տերը արդեն արել էր այդ մեծ ու կարևոր աշխատանքը: Քաշեցի – նայեցի, ահագին հավանեցի թարգմանությունը, ամենաշատը հավանեցի, որ ասենք օրինակ widget -ը, հենց «վիջեթ» էր թարգմանված, կամ թրեքբեքը կամ պինգբեքը:
Հավանեցի այն առումով որ անիմաստ մուտանտածին բառեր չէին: Ու հետո, եթե ինչ որ մեկին դուր չի գալիս միշտ կարելի է փոխել 🙂 : Ու մի բան էլ կա, ինչպես չինացիներն են ասում «1000 լյո ճանապարհը սկսվում է մեկ քայլից»:  Հիմա արված է , ոչ թե մեկ քայլ այլ ահագին ճանապարհ է անցած … դրա համար բռավո ու շնորհակալություն …

Ու հետո՞, նորմալ կլինի չէ՞, որ http://hy.wordpress.org/ կայքում դա լինի տեղադրված, ոչ միայն նորմալ այլ նաև շատ ուրախալի, ու գնացեք տեսեք, չկա: Իսկ չկա այն պատճառով որ պոլիգլոտում ինչ որ բազարներ են, նրա մասին թե՝

ա. արևմտահայերեն պիտի լինի թե արևելահայերեն
բ. «մենք հիմա աշխատում ենք վերսիա х.х-ի վրա»
գ. և այլն …

Ինչ կապ ունի այդ ամենը, հիմա կա արդեն կոնկրետ լավ թե վատ բայց ավարտուն թարգմանություն, կայքում տեղադրելու փոխարեն չէմ հասկանում ինչով են զբաղված:
Տեղադրեք հարգելիներ, հետո ձեր թարգմանությունն էլ կտեղադրեք, համայնք ու համագործակցություն է պետք որ գործը առաջ գնա:

Վորդպրեսի հայերեն թարգմանությունը կարող էք քաշել այստեղից: Այստեղ նաև մանրամասն  գրված է թե ինչը ուր դնել, և որ ֆայլերում ինչ փոփոխություններ իրականացնել:

ՀԳ: Իմիջայլոց նենց չի որ սա առաջին թարգմանությունն է: Կան էլի ավարտուն թարգմանություններ, որոնք ոչ մի տեղ հրապարակված չէն, ու որոշ վեբվարպետներ դրանք օգտագործում էին  իրենց սեփական նպատակների համար: Դե այս երևույթին բարոյական գնահատական չէմ կարող տալ , նրանք թարգմանել են , նրանք էլ օգտագործում են , ու ոչ մեկին չէն տալիս …