1.Հայ մանուկին հայ դպրոց (այո՜)

2.Հայաստանում հայերեն

3.Հայաստանի Հանրապետության պետական լեզուն հայերենն է, ով չգիտի ամոթ

4.Ո՛չ գաղութացմանը

….

Ֆեյսբուքի խմբում կա 3183 անդամ, այսօր կիրակի է,

հարց …

պատասխան ….

խնդրանք-խորհուրդ :  ախպերներ ու քույրեր ջան ըտքան վիրտուալ մի եղեք, մի քիչ էլ ռեալ եղեք … ես մարդ գիտեմ, որ լավ ակցիաները հավեսով like ա անում, բայց ոչ մի բանի չի մասնակցում, իսկ դուք գիտե՞ք …

Բայց ոչինչ … «Ակտիվ փոքրամասնությունը հաղթում է պասիվ մեծամասնությանը»: Գիտե՞ք ով է ասել, մի շատ վատ մարդ ՝ Ադոլֆ Հիտլերը, բայց ով ասելը ասածի ճշմարտությանը չի խանգարում …. լավ, տեսնենք …

Հարգելի կազմակերպիչներ, բարձրախոսը ամեն մի անպատասխանատու մարդու ձեռք մի տվեք: Մի երիտասարդ սկսեց ազգային խտրականություն քարոզել, մոտավորապես՝ «մյուս մայթում «շահ պիցերիան» է գտնվում, էդ շահերը մեզ կոտորել են հազարամյակներ … , իսկ դրանց անունով կոչվող պիցցերիաներ են բացվում …. մի քիչ այնկողմ էլ ռուսական «ցար» օբյեկտն է գտնվում …. », ու նմանատիպ բաներ … Կներեք ես սրա տակ չէմ ստորագրում, սա հիմարություն է … : Ես ստորագրում եմ, բոլոր վերը նշված լոզունգների-կարգախոսների տակ, ինձ մի ձայն է հասնում, բայց ես հազար անգամ ստորագրում եմ ամեն մեկի տակ …

Մինչև հիմա բան գրեթե չէմ գրել մեր լեզվի մասին, թողել եմ, որ ինքը իր մասին խոսի, «Նորօրյա ասույթներ Հայոց Լեզվի մասին» շարքում, բայց մտածում եմ, որ պետք է.

Մեսրոպ մաշտոցը միակ պատմական գործիչն է , որին ընդունում են, ցանկացած տեսակի գաղափարախոսության կրողները, հասկանում է՞ք սա ինչ է նշանակում … Դարերով ասվել է, որ մեր ազգը պահպանվել են լեզվի և հավատի շնորհիվ… այսօր դա առնվում է լուրջ կասկածի տակ, բայց միայն եկեղեցու իմաստով, չքիտեմ ցավոք , թե բարեբախտաբար, եկեղեցին այսօր այլևս չի կարողանում միավորել մտավորականությունը: Պատճառը գաղափարական դաշտի  անցյալ դարերի հետ համեմատած անհամեմատելի ընդարձակումն է: Այս դաշտի ոչ բոլոր շերտերում են տեղավորվում հավատքի և հատկապես քրիստոնեական հավատքի տարրերը: Մի խոսքով … , բայց լեզուն ուրիշ է ….

Մաշտոցը հայ քրիստոնյաների համար սուրբ է

Հայ հեթանոսների համար քրմերի սերնդի հետնորդ և քրմական գիտելիքները հայերիս մեջ վերականգնող

Հայ պահպանողականների համար , ազգապահպան մեծագույն գործիչ

Հայ աթեիստների համար հայկական գիտության հիմնադիր

Հայ լիբերալների և կոսմոպոլիտների համար սեփական տեսակը մյուս ազգերի մեջ յուրահատուկ ձևով պահպանող ու ցուցադրող …

Հայ …. համար … (այտեղ բազմակետերի փոխարեն ինչ ուզում էք գրեք):

Միայն մի օտարամոլ խավ կա, որի համար Մաշտոցը և լեզուն  ոչ մի արժեք չէն ներկայացնում, բայց մենք աթեիստներս, քիրստոնյաներս, լիբերալներս, պահպանողականներս, հեթանոսներս ու բնապաշտներս ու մնացածս իրար հետ  կարող ենք դրանց հախից գանք … մեր աշտարակը կարող ենք նորից կանգնեցնել :