Լեզվի և լեզվի հետ կապված մի քանի նորություններ և մտքեր …
Սկզբից տխուր …
ա.) Հայոց լեզվի և հայ գրականության միասնական քննությունը անբավարար գնահատական են ստացել դիմորդների

10,89%-ը: Համեմատեք անցյալ տարիների հետ երբ այդ տոկոսը կազմում էր 9,78%-ը:20 բալ ստացել են ընդհամենը 2 հոգի, իսկ անցյալ տարի 12 հոգի:
աղբյուր

Ի՞նչի մասին է սա խոսում, ես չորս հնարավոր տարբերակ եմ տեսնում
1. Սերունդը ավելի անգրագետ է դառնում
2. Քննությունների հարցերը վատն են եղել
3. Գնահատականները մի քիչ իրականից ավելի ցածր են դրվել,օլիգարխագլուխ  խորովածազգի հիմարիկներին մի քիչ ավելի բարձր ցույց տալու նպատակով:
4. Վերը նշված երեքը միասին
Այս բոլոր տարբերակներն էլ խոսում են կրթական համակարգի լուրջ թերությունների մասին: Հմմմ…, հայոց լեզուն իրեն չի արդարացնում, անհրաժեշտ է հիմնել օտարալեզու դպրոցներ …. Եվ այլ զառանցանքներ …

բ. Լեզվի և հանրակրթության մասին խորհրդարանական քվեարկությունները հետաձգվել են …  Դե , վատ չի, հնարավոր է, որ դեռ հույս կա, որ մի բան կփոխվի

գ. լավ լուրը այն է, որ կառավարությունը որոշում է ընդունել պահանջել բոլոր պետական մարմիններից ՏՏ համակարգերում օգտագործել Յունիքոդ(UNICODE), վերջապես , ուռաաաաա ՜՜՜,
ասյպիսի բաներ երևի թե էլ չէնք տեսնի

դ. Մի քանի հատ «Նորօրյա ասույթներ Հայոց Լեզվի մասին» եմ պեղել ցանցում

«Ես շատ դեմ եմ օտարալեզու դպրոցների բացմանը»
…երիտասարդությունը խոսում է «ոչ հայերեն, ոչ էլ ռուսերեն»։ …
«Մենք օտարամոլ ազգ ենք։ Այս ամենը կտանի ուծացման և ձուլման»
աղբյուր

….
Հայաստանում օտարալեզու դպրոցներ բացելու օրենսդրական նախաձեռնությունը պատահականություն չէ, սա մեր երկրի հոգեւոր ոլորտի քաղաքականության պատկերն է: Եթե այսպիսի խնդիր ստեղծելը հնարավոր է դարձել, ուրեմն վտանգված է մեր պետականությունը. Ազգապահպանության համակարգը չի գործում, պետական կառավարման համապատասխան օղակները չեն կատարում Սահմանադրության պահանջները:
Հայրենի խորհուրդ միավորումը կազմակերպվել է հայոց ազգային արժեքների պաշտպանության հրամայականով:
…. Աղբյուր

Եթե Հայաստանում բացվեն օտարալեզու դպրոցները, ապա հայաստանյան դեմոգրաֆիական աղետի պայմաններում լուրջ մարտահրավերներ են նետվելու հայոց պետականության և էթնիկ տեսակի դեմ …
Աղբյուր