ԹՈՒՄՈ գործի ընդունվելու մասին

Գրեթե 4 տարի առաջ գրել էի այս գրառումը, գործից դուրս գալու մասին։  Իսկ երեկ առաջին աշխատանքային օրս էր ԹՈՒՄՈ կենտրոնում։ Այս գրառումս ռեֆլեկսիա է անցյալ 4 տարիներիս վերաբերյալ։ Աշխատանքի և կարիերայի դաշտում  ահագին բան եմ հասցրել անել, 24 համեմատաբար խոշոր նախագիծ և Աստված գիտի թե քանի հատ մանր գործեր։ Սրանք կայքերի, վեբ֊հավելվածների և մոբայլ հավելվածների մասին։ Իրականում հետաքրքիր գործ սրանցից մի 5-6֊ն էին, բայց ամեն դեպքում պետք էր փող աշխատել ։) Ահագին բան եմ նաև սովորել, չնայած եթե կարողանայի կենսակերպս ավելի լավ դասավորել գուցե ավելի շատ լինեն ճանաչողական ձեռքբերումներս։ Հենց զգացի ազատ ժամանակ ունեմ, միանգամից փորձեցի զբաղվել դասավանդմամբ․ Դասավանդել եմ գրեթե ամբողջ այս ընթացքում, Արեգնազան կրթահամալիրում, GITC-ում, Հայ֊Հնդկական կենտրոնում, ինձ կանչել են տարբեր թեմաներով տարբեր տեղեր սեմինարաներ և դասընթացներ անցկացնելու։ Վերջերս նաև Վանաձորում նախաձեռնեցի ծրագրավորման դասընթաց։ Ֆրիլանսի տարիները ինձ երկու կարևոր բան են սովորեցրել, նախ մարդու կյանքը կախված չի այն կազմակերպությունից , որտեղ նա աշխատում է։ Խելոք մարդը միշտ կգտնի գործ։  Սա

Տոհմագիտական հետազոտություններ

Երկար ժամանակ ուզում էի մեր տոհմածառը պատրաստել։ Մեծերից էլ գրեթե մարդ չի մնացել կենդանի, ու եթե մի քիչ էլ ժամանակ ձգեի ապա արդեն ահագին տեղեկություններ անվերադարձ կկորչեին։ Վերջերս առիթ եղավ, որ պապիս եղբայրը եկավ Վրաստանից, նա Քոլյան֊Կոլյան տոհմի մեր ճյուղի ամենատարիքով մարդն է, փաստորեն վերջինը․ Ու նստեցինք այն ինչ կարողացավ հիշել հավաքեցինք, գրեցինք։ Ահագին հետաքրքիր պատմություններ պատմեց, նաև ձայնագրություններ էլ եմ արել, բայց դա որպես արխիվ կմնա, հրապարակման ենթակա չի։ Պարզվում է, որ էնքա՜ն բան է արդեն մոռացվել, որ էլ չասելու, սարսափելի շատ տեղեկություններ անդառնալիորեն  (???)  կորել ու մոռացվել են, մի անգամ 1830֊նների գաղթի ժամանակ, երբ Կարինից (Էրզրում) գաղթել են Վրաստան, հետո էլ սովետական իշխանությունների օրոք, երբ եկեղեցական ծխական մատյանները գյուղից հավաքել ու տարել են ․․․  Չգիտեմ, գուցե վրացական արխիվներում որևէ բան կգտնվի, պիտի գնամ փորձեմ տեղեկություններ գտնել, մյուս հնարավոր աղբյուրն էլ  գյուղի տներում փաստաթղթեր որոնելն ու գերեզմանոցում տապանաքարերի վրա տեղեկություններ գտնելն է։ Մի խոսքով պետք է պահպանել այն ինչ մնացել է

2014 Ամփոփում

Այս տարին ուժասպառության տարի էր, հիմա նայում եմ , ահագին բան եմ հասցրել անել, բայց ուժեղի մեծ լարմամբ։ Մանրամասն չեմ գրի, սա էլ ուժասպառության արտահայտություն է։ Ինչին ուժս ու հավեսս հերիքել, լրիվ գրված ա։ Միակ բանը որը ինձ պերմանենտ հոգեկան բավարարվածություն ա տվել, դա դասավանդում ա եղել, մնացած նախագծերի, շփումների, ճամփորդությունների կայֆը գնացել֊եկել ա։ Հիմա հաշվում եմ մոտ 80 ուսանող եմ ունեցել և 100֊ին մոտ աշակերտ, էս մարդանց հետա աշխատելը ինձ մեծ բան է տվել, ապրեն իրենք։ Այս տարի կորուստներ եմ ունեցել, տատիս գնաց, շատ բարի կին էր, լավ հիշողություններ ունեմ իր հետ կապված ․․․ Այս տարի նաև մեծ ձեռքբերում ունեմ՝ Դավիթս։ Անցյալ տարվա պլաններիցս գրեթե ոչ մեկը իրականացված չի ու դա ինձ վշտացնում է, այլ բաներ եկան ընկան արանքը․ աշխանք և այլն ․․․ Շատ բան եմ ուզում սովորել, բաներ կան տարիներով այդպես էլ մնում են չիրագործված ․․․ Շատ բաներ եմ ուզում անել, դրանք էլ մնում են չիրականացված ․․․ Շատ ժամանակ

Ես

Ռոք երգիչներից ես Մորիսոնն եմ, Փիլիսոփաներից ՝ Նիցշեն, Կենդանիրեց արջ եմ, Հեքաթայիններից ՝ վիշապ, Կաստաներից ես կշատրի եմ, Սակայն կուզեի բրահման լինել․ Տարոյի քարտերում հիմարն եմ, Մաստերից` հրկիզված սուր, Հունական աստվածներից ես Դիոնիսն եմ, Սակայն կուզեի մի քիչ էլ Ապոլլոնը լինել ․․․ ֊ Էս ֆբ տեստե՞ր էս անցել ֊ Չէ ես այդպիսի էշություններով չեմ զբաղվում, ես գիտեմ ես ով եմ ․․․

2013թ․ Ամփոփում և Շնորհավորանքներ

Տարվա ամփոփում․ արվածի, չարվածի ու չստացվածի քննություն ու հաշվետվություն։ Նախ և առաջ ինքնս ինձ համար, հետո նաև ձեզ համար իմ հարգելի ընկերներ։ Ամփոփումը տալիս է նոր ուժեր ու մտքեր ապագա տարվա համար։ Անցնելու եմ ոլորտ առ ոլորորորտ ոլորտ։ Տարիս ակտիվ ու լի էր նոր գործունեույթան ոլորտներով, նոր հետաքրքիր ծանոթություններով, ապրումներով, զբաղմունքներով, նոր մտքերով ու զգացմունքներով։ Լավագույն լուսանկարներ Քիչ եմ նկարել, բայց մի քանի սիրելի կադր ունեմ այս տարի արված։ Ահա դրանք։ Ամենաանհանգիստ տեքստեր Տարբեր փիլիսոփայական տեքստեր, որոնք տարվա կտրվածքով համարում եմ ամնահաջողվածները և ամենակարևորները։ Առաջարկում եմ աչքի անցկացնել։ 1.

Արա բայց ինչ դժվար ա, յանմ քո մոմենտով թույն կապեր ես գտնում երևույթների մեջ, ինչ որ յանմ թույն մտքեր ես մտածում, հետո նաստում ես որ գրես, ստացվում ա իշի քուռակություն, ու սաղ նրանից ա որ լեզվին չեմ տիրապետում էնքանով որքանով կուզեի, լեզվի վրա աշխատել ա պետք, ու ավելի շատ գրել ..